قصص بنتخيّلها.وعوالم بنُخرجها.

4 حاجات كفاية: الفيديو هدفه إيه، موجّه لمين، هيتنشر فين، ومدته تقريباً قد إيه. ولو عندك أمثلة عاجباك، واللوجو، وصور المنتج، وميعاد التسليم، التسعيرة بتطلع أسرع وأدق. املا البريف اللي في الصفحة دي في دقايق — أو ابعتلي على واتساب على طول.

أيوه، ومعظم المشاريع بتبدأ كده. في مرحلة التطوير الفكرة بتتحول لكونسبت وسكريبت وتريتمنت، وبعدين World Bible وصور للشكل النهائي (Styleframes) — فتشوف الفيلم قبل ما تتعمل أي لقطة نهائية.

كل مشروع بيتسعّر لوحده حسب المدة، وعدد الشخصيات والأماكن، والستايل (واقعي ولا كرتون)، وعدد النسخ والمقاسات اللي محتاجها. عشان كده مفيش أسعار ثابتة هنا — ريلز منتج 15 ثانية غير فيلم 3 دقايق. بريف واضح يعني تسعيرة واضحة، من غير مفاجآت بعد كده.

غالباً خلال يوم أو يومين شغل، بأسئلة أو بتسعيرة. واتساب هو الأسرع، خصوصاً لعملاء مصر والخليج.

أيوه، في كل مرحلة. بتوافق على السكريبت، وبعدين على الشكل (Styleframes وتصميم الشخصيات)، وبعدين على نسخة مونتاج أولية، وبعدها بس النسخة النهائية. مفيش خطوة بتتعمل من غير موافقتك، فالفيلم النهائي عمره ما يبقى مفاجأة.

عدد مرات التعديل بنتفق عليه في التسعيرة قبل ما نبدأ، وبيبقى موزّع على المراحل — السكريبت والشكل والمونتاج — عشان التعديل يحصل بدري وهو لسه سهل وسريع، مش في الآخر.

حسب المدة ودرجة التعقيد. الريلز وفيديوهات المنتجات بتخلص بسرعة، والفيلم القصير الكامل بياخد وقت أطول عشان السكريبت وبناء العالم والمونتاج. هتاخد جدول زمني لكل مرحلة مع التسعيرة — ولو الميعاد ضيق أوي هقولّك بصراحة.

كل الشغل أونلاين. البريف والمراجعة والموافقات بتتم على واتساب والإيميل ولينكات مراجعة أونلاين، بالعربي أو بالإنجليزي. وتوقيت السعودية والإمارات والخليج فرقه عن مصر ساعة أو اتنين بالكتير، يعني بنشتغل في نفس اليوم تقريباً.

ده بالظبط الفرق بين إنك «تولّد» وإنك «تخرج». كل مشروع ليه World Bible بيثبّت الشخصيات والأماكن ولغة العدسات والإضاءة والاستمرارية. وكل لقطة بتتختار وتتظبط وتتمنتج، وبعدين بتتلوّن على DaVinci Resolve وتترفع جودتها. اتفرج على الشوريل — ده المستوى.

أيوه. كل شخصية ليها Reference Sheet في الـ World Bible وبتتراجع لقطة لقطة. ده اللي بيخلّي المسلسلات وحلقات الأطفال وشخصيات البراندات ممكنة.

الاتنين: أفلام سينمائية واقعية بممثلين وأماكن كأنها حقيقية، وأنيميشن وكرتون 2D و3D. ولو مش متأكد، هقترح عليك الستايل اللي يناسب جمهورك وأوريك Styleframe الأول.

أيوه. ابعت صور واضحة للمنتج من كذا زاوية وملفات اللوجو، والمنتج بيتحط جوه عوالم سينمائية — لقطات هيرو وريفيل وإطلاق — مع الحفاظ على شكله وألوانه وهويته الحقيقية.

كل فيلم بيتسلّم بمكس صوت كامل. والمؤثرات الصوتية والموسيقى الأصلية ممكن تتعمل مع استوديوهات شريكة، والتعليق الصوتي ممكن يبقى بالعربي أو بالإنجليزي أو بلغات تانية حسب الطلب.

نسخ نهائية لحد 4K، بالمقاسات اللي كل منصة محتاجاها — 16:9 لليوتيوب والتلفزيون، و9:16 للريلز وتيك توك والشورتس، و1:1 و4:5 للفيد — وترجمة لو محتاج.

أيوه. البريف والملفات والشغل اللي لسه منزلش بيفضلوا خاصين، والمشروع مش بيظهر في البورتفوليو غير بعد ما يتنشر رسمياً وبموافقتك.

مش محتاج تشترك في أي حاجة. بشتغل بـ Kling وVeo وSeedance وRunway وMidjourney وComfyUI وغيرهم — وبختار الأداة حسب كل لقطة — والتشطيب على DaVinci Resolve. إنت بتستلم الفيلم جاهز.